Era Bibliotèca Generau de Vielha e er Ajuntament de Vielha e Mijaran damb era collaboracion deth Conselh Generau d’Aran organizen eth 4au concors de microrelats en aranés entà Twitter.
[adrotate group=»1″]
Eth concors ei dubèrt a toti es qu’agen un compde en Twitter (www.twitter.com) e que siguen seguidors/es deth compde de Twitter dera Bibliotèca Generau de Vielha (@bibliovielha).
I aurà dues categories, establides per edat: ua entàs menors de 18 ans e ua auta entàs de 18 ans ensús.
Eth tèrme de liurament des relats ei eth 22 de noveme, e s’auràn d’enviar en un solet messatge via Twitter, ath delà de seguir eth compde de Twitter dera Bibliotèca de Vielha (@bibliovielha) e en tot etiquetar-la en madeish.
Era tematica deth relat ei eth minjar e era gastronomia, a d’èster escrit en aranés e de creacion pròpria. Es tweets o microrelats an d’auer un minim de sies paraules. Eth jurat serà format peth personau dera Bibliotèca de Vielha e eth liurament de prèmis s’amiarà a tèrme en un acte eth dia 29 de noveme ena madeisha bibliotèca.
[adrotate group=»1″]Info : Ajuntament de Vielha e Mijaran