Cada institut selleccione enquia 5 trebalhs de recerca des presentats damb representacion des diferents modalitats de bachelierat.
Er alumnat qu’age expausat eth sòn trebalh de recèrca rep un diplòma deth Departament d’Ensenhament dera Generalitat de Catalunya.
En INS d’Aran auec lòc era inauguracion e eth liurament des diplòmes ar alumnat de 2au de bachelierat que expausèren es trebalhs de recerca des XI Jornades Invesjove. Investigacion e Recèrca ena Educacion Secundària des as alumnes der INS d’Aran, der INS Hug Roger III de Sort, der INS Pere Borrell de Puigcerdà, der INS Pobla de Segur, INS Pont de Suert e der INS de Tremp.
Cada institut selleccione enquia 5 trebalhs de recerca des presentats damb representacion des diferents modalitats de bachelierat. Es trebalhs són inedits e pòden éster individuaus o collectius, e er alumnat qu’age expausat eth sòn trebalh de recèrca rep un diplòma deth Departament d’Ensenhament dera Generalitat de Catalunya.
Eth Departament d’Ensenhament amassa damb es Servicis Educatius dera Val d’Aran, Alta Ribagorça, Pallars e Cerdanya reconeishen era importància dera investigacion e era comunicacion coma estrategia educativa entà potenciar es abilitats e es competéncies qu’an de perméter ar alumnat gestionar eth sòn aprenentatge de manèra autònoma. En aguesta linha se prepause ua seria d’actuacions, entà promòir e dar supòrt as centres e professorat damb es seguents objectius:
– Potenciar er escambi d’experiéncies enter diferents centres e poblacions deth Naut Pirenèu e Aran.
– Difóner es trebalhs de recèrca enter centres educatius e alumnes deth territòri.
– Proporcionar ar alumnat espleits entà mielhorar es competéncies comunicatives ara ora d’expausar eth trebalh de recerca.
– Facilitar ar alumnat modèls e estrategies entà elaborar e redactar un trebalh d’investigacion.
Tanben se realizèc ua conferéncia en madeish INS d’Aran, “Er Archiu Generau d’Aran. Ua hònt entara investigacion e recerca” a cargue de Maria Pau Gómez, directora der Archiu Generau d’Aran.
Info: Conselh Generau d’Aran