Aguest prumèr de junshèga a començat eth Concors de Fotografia “Tiò, natura e cultura” (Memoriau Urban Fernández) organizat pera Associacion Es Paums, damb eth supòrt der Ajuntament de Vilamòs.
Eth Concors a coma objectiu hèr a conéisher es valors de Vilamòs e era Val enes ambits dera cultura, natura, hèstes, monuments, persones e activitats.
Eth Concors vò inmortalizar era pletòra dera natura deth nòste País que enguan, exhuberanta lutz coma jamès es sons colors gràcies ara climatología intensa des darrèri mesi.
En Concors i pòt participar quinsevolhe persona major d’edat que i sigue interessada en tot manar un maxim de tres fotografíes en format jpg ath corrèu electronic espaums@gmail.com
Es fotografies an d’èster inedites e prenudes en Vilamòs o ena rèsta dera Val e era mesura a d’èster de 20 cm x 15 cm e a d’auer ua resolución d’aumens 300dpi entà que se pogue imprimir per part dera organización
Un Jurat compausat per especialistes dera imatge e era comunicación dera Val trigarà es milhores fotografíes.
Era fotografía guanhadora aurà coma prèmi un Dron e será era imatge deth pannèu deth programa dera Hèsta Major de 2019. I aurà dus accésit qu’auran coma premi ua camarà GoPro (1º accesit) e un camalhon (2º accesit). Ath delà es participants poderàn prénmer par tena rifa d’un creuèr pera Carib tà dues persones damb totes es despenes pagades.
Es fotografíes se publicaràn enes hilats sociaus e ena plana web dera Associacion.
Damb es cent milores fotografíes se arà ua exposición pendent eth mes d’agost en Musèu Joanchiquet de Vilamòs e es Bases deth Concors se pòden auer en Arancolor de Vielha, en Ajuntament de Vilamòs o en espaums@gmail.com
Eth Concors compde damb eth supòrt der Ajuntament de Vilamòs e eth Conselh Generau d’Aran.
Era organizacion sage, en tot júnher era aficion ara fotografia e eth potenciau de difusion des hilats sociaus, de descorbir e hèr a conéisher lòcs, paisatges e cornèrs encara amagadi deth nòste País.