Eth pròplèu dia 12 de mai entàs 20,00 ores en Era AudioVisuau de Vielha (antic cinèma) e, en marc des trebalhs que Convergéncia Aranesa està amiant a tèrme entà crear eth nau espaci polític en Aran, organizam ua Conferéncia tamb eth títol: “Des informes de posicion deth Vaticà ara defensa deth futur d’Aran”.
Er objectiu dera madeisha ei, contextualizar eth present accelerat que viuem e méter ath dessús dera taula elements de debat e reflexion as reptes e amenaces que mos vieràn en un espaci de temps fòrça cuèrt.
Ei un acte dubèrt ath públic e que aprohondís ena vertadèra creacion d’un nau espaci polític transformador e collectiu entà dar solucions ad aguesti reptes e amenaces coma País.
Convergéncia Aranesa a daurit es pòrtes e dejà mès de 70 persones an participat, opinat e parlat sus era construccion deth nau espaci polític en Aran, volem que tu sigues eth protagonista, ei a díder es persones e eth País. Aquera ei era nòsta motivacion. Volem que sigue un projècte collectiu, de toti e totes.