Dempús de cinc ans de tramits e gestions, eth Pair Nòste en aranés jà ei plaçat, damb 174 Pair Nòstes mès en d’autes lengues deth mon, en claustre deth Monastèri – Capèla deth « Pater Noster » en Mon des Olivèrs de Jerusalem, lòc a on segons era tradicion Noste Sénher ensenhaue aguesta oracion as sòns disciples.
Gràcies as gestions deth Assessor de Cultura e Patrimòni, Jèp de Montoya e dera estudiant d’intercanvi universatiaria aranesa, Ares Capdevila Brualla, an valut era pena entà arténher aguesta realitat.
Era instalacion d’aguest Pair Nòste en aranés a estat sufragada per Ajuntament de Naut Aran, damb eth pagament de 4.000 dòlars
Aguest projecte barre era bucle començada hè quaranta ans per Mn. Jusèp Amiell, quan en gèr der an 1979 portèc en aguest lòc sagrat era lamina damb eth Pair Nòste en aranés ena sua peregrinacion en Palestina, signada pes rectors deth moment dera Val d’Aran, dant fè eth Bisbat.
