Er Ajuntament de Bossòst a artenhut ua subvencion de 20.000 èuros dera Deputacion de Lleida, que contribusís a finançar actuacions efectuades dejà entara reposicion de servicis basics pes afectacions des aiguats de 2013 e
entara mielhora d’equipaments publics, coma es parcatges deth municipi e es sòns accèssi.

Aguestes actuacions s’an desvolopat es darrèri ans, damb ua inversion totau de 57.000 èuros.

D’aguesta forma, era Deputacion reconeish eth besonh d’aguestes mielhores e ajude ara economia der Ajuntament per miei deth finançament des madeishes, pr’amor deth sòn esfòrç e dera repercussion a favor dera vida des sòns vesins e vesies, atau coma des sòns visitaires.

Hònt: Ajuntament de Bossòst