Era RFEDI e eth Conselh Generau d’Aran renauissen eth sòn convèni de supòrt as programes deth CETEI

Eth Conselh Generau d’Aran e era Reau Federacion d’Espòrts d’Iuèrn (RFEDI) an renauit eth convèni entà dar continuitat as programes deth Centre de Tecnificacion d’Espòrts d’Iuèrn (CETEI) dera Val d’Aran enquia 2022.

Damb aguest convèni se renauís e consolide tanben eth reconeishement deth Conselh Superior d’Espòrts (CSD) ath CETEI coma centre de tecnificacion en espòrt d’iuèrn a nivèu nacionau enquia 2022.

Pendent era sua ponéncia, eth president dera RFEDI a mostrat eth sòn orgulh de poder collaborar damb eth Conselh Generau entà hèr es espòrts d’iuèrn “mès atractius e pròplèus a tota era societat”

Pendent aguest acte, presidit peth sindic d’Aran, Francés Boya, e qu’a compdat damb era participacion der aranés e president dera RFEDI, May Peus, eth president dera Federacion Catalana d’Espòrts d’Iuèrn (FCEH), Oscar Cruz, e era esquiadora Pat Miquel, s’a hèt un brèu analisi dera situacion des espòrts d’iuèrn e tot çò qu’apòrten a un territòri coma era Val d’Aran.

Pendent era sua ponéncia, eth president dera RFEDI a mostrat eth sòn orgulh de poder collaborar damb eth Conselh Generau entà hèr es espòrts d’iuèrn “mès atractius e pròplèus a tota era societat”.

Eth sindic d’Aran a mostrat era sua satisfaccion pera signatura d’aguest convèni e a destacat que: “era collaboracion damb es federacions ei vital entath nòste centre de tecnificacion”

Pera sua part, eth sindic d’Aran a manifestat era sua satisfaccion per signar aguest convèni e a destacat que: “era collaboracion damb es federacions ei vital entath nòste centre de tecnificacion”. E a hijut que: “era ambicion dera Val d’Aran ei èster un referent ena practica der espòrt e sustot der espòrt de competicion”.

Info: Conselh Generau d’Aran