En tot seguir es indicacions deth Ministèri de Transpòrt, Mobilitat e Agenda Urbana pendent er estat d’alarma en país, eth govèrn deth Conselh Generau d’Aran informe qu’a compdar de deman, dimars 17 de març, se produsirà ua reduccion deth 50% deth servici de transpòrt intèrn dera Val d’Aran.
Es servicis que foncionaràn enquiara derogacion deth Reiau Decret 463/2020 o naua comunicacion son:
A despièch d’aguesta modificacion extraordinària, se mantierà er autobús que circule entre Canejan, Bausen, Les e Bossòst es dimèrcles.
Demoren anulladi enquia nau avís: eth servici nocturn de dissabte, eth servici a Beret e toti es servicis escolars enquiara reanudacion des classes.
En çò que tanh as servicis extèrns, s’anulle er autobús damb gessuda de Les tàs 4:30 direccion Barcelona, e er autobús damb gessuda de Barcelona tàs 16:00 direccion Val d’Aran.
Totun, se mantien es següents servicis extèrns:
Servici Pla de l’Ermita a Vielha:
08:10 Pla de L’Ermita – 08:55 Pont de Suert – 09:30 Pont de Suert – 10:15 Vielha
13:00 Vielha – 13:45 Pont de Suert – 15:00 Pont de Suert – 15:45 Pla Ermita
Gessudes a Lleida:
05:01 – Pont de Rei – 05:30 Vielha – 09:00 Lleida
07:25 – Les – 07:45 Vielha – 10:20 Lleida
17:10 – Les – 17:30 Vielha – 20:15 Lleida
Gessudes a Barcelona:
17:10 – Les – 17:30 Vielha – 22:15 Barcelona
Eth govèrn deth Conselh Generau d’Aran vò informar tanben ara ciutadania que, pendent es dies que se mantengue er estat d’alarma, era enterpresa ALSA a adoptat es següentes mesures de seguretat sanitària respècte as usatgèrs:
Demorarà bloquejada era prumèra fila der autobús entà garantir era distància damb eth/era conductor/a.
Ei permetuda era entrada pera pòrta deth darrèr deth veïcul.
ALSA tanben a facilitat productes de neteja personau as conductors/es e se netegen es autobusi damb producte omologat.
Info: Conselh Generau d’Aran