Aran registre tres naui casi positius de coronavirus COVID-19

Eth Conselh Generau d’Aran informe de tres naui casi de coronavirus COVID-19 ena Val d’Aran.

Aguesti tres casi se higen ath que ja se confirmèc hè uns dies, en tot hèr un totau de 4 casi confirmadi en aguesti moments.

D’aguesti tres naui positius, un d’eri se trape en isolament domiciliàri e er aute ei ingressat en Espitau Val d’Aran. Andús se trapen estables e sense sintòmes grèus.

Atau madeish, ager se trasladèc entar Hospital Arnau de Vilanova de Lleida un cas damb sintomatologia respiratòria que finaument a dat tanben positiu en COVID-19.

Info: Conselh Generau d’Aran