Eth secretari d’Infraestructures e Mobilitat dera Generalitat de Catalonha, Isidre Gavín, e eth baile der Ajuntament de Naut Aran, Cesar Ruiz Canela Nieto, an visitat es òbres que se hèn en un tram de 4 quilomètres que van des dera corba de Tonhòn enquia eth cap deth Port dera Bonaigua en Naut Aran.
Aguestes actuacions les a finançat era Generalitat de Catalonha damb un còst totau de 7 milions d’èuros que van destinats a ua ampliacion deth marge dera carretèra de 5 a 7 mètres, autant coma hèr quauqua escuelhèra ena zòna.
Ena visita, tanben an participat eth cap deth servici de Carreteres de Lhèida, Jordi Benet e eth conselhèr Francesc Bruna, acompanhadi des responsables d’empreses de construccion deth territòri.
Es òbres de milhora finalizaràn entre era primauèra e er ostieu der an que ven.
Per auta part, er Ajuntament de Naut Aran contunhe damb es trabalhs de milhora e manteniment des diuèrsi vials publics deth municipi.
Pendent aguesta darrèra setmana, es actuacions s’an centrat ena separacion d’aigües pluviaus e residaus en carrèr Solei, damb era sua posterior repavimentacion a base de granit.
Es òbres an auut un còst de 56.870 èuros e damb eres, se finalizen es accions en aguest parçan.
Info: Ajuntament de Naut Aran