Er Ajuntament de Naut Aran a renauit eth parc que i a ath cant dera Mòla de Salardú. Aguest emplaçament ei un des mès emplegats pes mainatges de Naut Aran e se trapaue en un estat fòrça maumerent ath delà qu’eth solèr ère de tèrra e podie hèr-se mau era mainadèra.
Per tot açò, s’an destinat ath torn de 46.000 èuros en un apraiament integrau dera installacion autant coma ena milhora deth solèr d’aguest parc infantil.
Sus aguest darrèr aspècte, residís gran part dera naua actuacion pr’amor que quan ploiguie en territòri es mainatges non podien jogar perqué eth tèrra s’aumplie d’aigua. Per aguest motiu, s’a installat tota ua parcèla de caucho entà solventar aguesta situacion.
Ath delà s’an plaçat tota ua sòrta d’elements qu’abans non i èren entà qu’es mainatges poguen gaudir completaments dera installacion. Entre eri, en destaquen quauquns qu’ajuden ena comprenença damb era lengua anglesa entà jogar en tot apréner.
Info: Ajuntament de Naut Aran