Salardú acuelh era exposicion “Històries i camins”.

Era exposicion explique diuèrses istòries reaus e fictícies que se hèren enes camins e que per aguest motiu an artenhut fòrça fama e prestigi.

Un exemple concrèt, ei era istòria des amants de Bausen a on se recorrerà es entorns d’aguest endret en tot conéisher era istòria de Teresa. Ath delà, i a d’autes istòries qu’apertien ara rèsta der Alt Pirenèu e que mòstren era riquesa patrimoniau damb era que compden aguesti parçans.

Era exposicion se pòt visitar ena Sala Culturau de Salardú, en Carrèr Santa Crèu, enquiath 18 de seteme, en orari de 10:00 deth maitin enquias 20:00 dera tarde. De deluns a dissabte.