Eth dusau tinent d’alcalde e còsso d’espòrts de Vielha e Mijaran, Alberto López e eth secretari tecnic deth Conselh Esportiu dera Val d’Aran, Marc Puig, s’an amassat aguest maitin entà organizar era sason de 2022 dera activitat Espòrt Popular.

Aguesta activitat s’inicièc en an 2017, en tot fomentar era practica de desparièrs espòrts pendent tota era setmana en Palai d’Espòrts de Vielha.

Er objectiu ei promòir es valors qu’er espòrt proporcione, coma eth trabalh en equip o er entendenement, ath delà de cercar tanben qu’es ciutadans agen ua vida activa e saludabla.

Es espòrts includidi son: basquet, tennis taula, badminton, futbòl sala e vòlei.

Info: Ajuntament de Vielha e Mijaran