Er Ajuntament de Les a estat present ena amassada periodica e ordinària dera Associacion Viles Termals de Catalunya, dera qué en forme part.
Ena amassada s’adebatut diuèrsi ahèrs e definit es accions a amiar a tèrme tà dar a conéisher era associacion e es pòbles qu’en formen part. En aguest sens, era associacion serà presenta ena 20au edicion dera Hèira Termatalia, hèira internacionau de torisme termau, salut e benèster, que se realize ena ciutat d’Ourense, es pròplèus dies 29 e 30 de seteme.
Sense dubte, ua grana oportunitat entà plaçar en mapa eth municipi de Les e era Val d’Aran en ua hèira especializada en tot definir-se com ua hèira damb caractèr de pònt termau entre Euroasia e America, convertin-se en centre de negòcis e coneishement damb professionaus deth sector de mès de 25 païsi.
Info: Ajuntament de Les