Pendent era setmana passada era enterpresa installadora dera fibra optica installèc en Les eth centre operatiu e amièc a tèrme es pròves operatives deth servici, de connectivitat e de metuda en foncionament deth hilat.
Aguestes pròves s’an realizat damb alimentacion de bateries extèrnes. En aguesti moments sonque manque era installacion dera alimentacion electrica fixa, que permet eth foncionament deth hilat.
Der Ajuntament de Les ençà, an realizat es gestions pertinentes entà accelerar era installacion deth suministrament per part dera enterpresa comercializadora d’energia electrica, motiu peth qué s’a retrassat era entrada en foncionament e comercializacion dera fibra optica.
Aguest servici implicarà ua grana melhora dera connectivitat en municipi, que permeterà realizar es activitats ludiques e professionaus damb major celeritat e efectivitat.
Info: Ajuntament de Les