Bossòst amassèc 300 corredores e corredors entara 16au edicion dera Corsa de Sant Silvèstre, en un recorrut urban e dehòra de vila de 6 quilomètres.
Damb bon ambient e plan bon temps, Nicolas Fernández artenhec eth prumèr lòc, acompanhat en pòdium per Jeremy Fort e Jorge Rey. Dera sua part, Blanca Herrero, Marine Job e Eider Beltran se placèren ath capdauant dera categoria femenina.
Lluc Pasqual e Lola Cavero sigueren es prumèri des juniors. E des màsters, guanhèren Mónica Gómez e Blaise Delmas.
Ath delà, era organizacion e er Ajuntament an reconeishut eth prètzhèt de Paco Rodríguez Miranda, alcalde de Bossòst entre 2007 e 2015, en sòn impuls e apòsta per aguesta corsa referenta des qu’an lòc eth 31 de deseme.
Fotos: Dominique Clavaud / Comission de Hèstes Bossòst