Vielha e Mijaran organize aguest eveniment es dies 17 e 18 de març a on se projectaràn ueit des milhors films de cinèma de montanha dera darrèra edicion deth Bilbao Mendi Film Festival. Es films se poiràn veir en Era Audiovisuau de Vielha, damb entrada gratuïta, que se pòden recuélher ena sedença deth consistòri.

Pendent aguesta 5au edicion d’aguestes jornades, se projectaràn un totau de 8 pellicules. Diuendres 17 de març, a compdar des 19:00, se començarà damb Adrenaline Sucks” (Seccion Oficiau Mendi Festival 2022), dirigida per Chase Odgen. Er esquiaire Matthias Giraud explique era sua aficion pes espòrts d’aventura. Eth 2au film se titole “Doo Sar” (Seccion Oficiau Mendi Festival 2022), dirigit per Jakub Gzela, a on dus amics expliquen era sua experiéncia en Karakorum. Era 3au projeccion ei “New Way Up” (Seccion Oficiau Mendi Festival), de Jake Holland. Ua vision desparièra deth Karakorum damb Fabi Buhl e Will Sim. E eth prumèr dia s’acabarà damb era projeccion de “Egoland” (Prèmi deth Public/Mencion Especiau deth Jurat 2022), dirigida per Ignasi López, que tracte sus era experiéncia de Marek Molek e Bruno Grassi en The Great Troll.

Dissabte 18 de març, se projectaràn quate films mès a compdar des 19:30. Era prumèra filmacion ei “Into the Ice” (Seccion Oficiau Mendi Festival 2022), d’Andrew Opila, en tot parlar sus eth viatge de sèt amics as montanhes Darwin, en America deth Sud. Era dusau projeccion ei “A Baffin Vacation” (Seccion Oficiau Mendi Festival 2022), de Sarah McNair-Landry e Erik Boomer, que parle dera sua expedicion ara ièrla Baffin pendent 45 dies. Eth 3au film ei “This is Beth” (Prèmi deth Jurat 2022), de Jen Randall. E eth hestau finalizarà damb “Free Rider (Seccion Oficiau Mendi Festival 2022), de Jérôme Tanon.

Era entrada as jornades ei gratuïta, enquia completar er aforament dera sala d’Era Audiovisuau, e se poiràn recuélher es entrades fisicament a compdar d’aguest pròplèu diuendres ena sedença deth consistòri en orari abituau, de deluns a diuendres, des 08:00 as 14:00 ores.