En aguesta jornada i participèren ath torn d’un centeat d’alumnes e mèstres de primària dera Escòla Garona e es ZER dera Val d’Aran, atau coma dera Escola Ribagorçana de El Pònt de Suert e eth Col·legi Maria Immaculada de Tremp.
Se realizèren talhèrs restacadi damb era sostenibilitat, ua fira de projèctes amiadi a tèrme pes centres, atau coma formacion ath professorat, damb er objectiu de compartir experiéncies e naui aprenedissatges, atau coma promòir era interaccion entre er alumnat e professorat de toti es centres participants.
Eth Centre de Joenessa “Antara” e eth Centre Polivalent acuelheren diuèrsi espacis formatius entàs mèstres e talhèrs entar alumnat. Ena inauguracion i participèc eth 2au tinent d’alcalde e còsso d’ensenhament de Vielha e Mijaran, Alberto López.
Entà finalizar era jornada auec lòc ua rua de cloenda des participaires pes carrèrs de Vielha.
Info: Ajuntament de Vielha e Mijaran