Eth govèrn deth Conselh Generau d’Aran a premanit ua sèrie d’actes entà celebrar era Hèsta d’Aran eth 17 de junh, en tot commemorar atau era recuperacion dera maxima institucion aranesa.

Eth deluns, 12 de junh, e diuendres, 16 de junh, s’amiarà a tèrme ua visita guidada dera Casa deth Senhor d’Arròs e eth Petit Musèu dera Escòla d’Arròs, entàs 12:00h. Era visita ei de franc, mès ei de besonh confirmar assisténcia en email: acvallaran@gencat.cat.

Dijaus, 15 de junh, s’inaugurarà era exposicion “10 ans des aiguats ena Val d’Aran”. Aguest acte aurà lòc ena Glèisa de Mijaran entàs 18:00 ores.

Diuendres, 16 de junh, aurà lòc er autrejament des Premis Literaris de 2023 ena Glèisa de Mijaran entàs 18:00 ores.

Eth dimenge, 18 de junh, i aurà pòrtes dubèrtes en Musèu dera Val d’Aran, en Vielha, de 10:00 a 13:30 ores e en Ecomusèu Çò de Joanchiquet de Vilamòs de 11:00 a 14:00 ores.

Eth dia 17 de junh, en maitin, s’amiarà a tèrme er acte institucionau dera Hèsta d’Aran, en tot amiar a tèrme tàs 12 ores era recepcion per part dera sindica d’Aran as autoritats e convidadi ena sedença deth Conselh Generau d’Aran entà, tàs 12:30 iniciar era tradicionau desfilada de pendons amiadi pes representants de cada terçon enquiara Glèisa de Mijaran. Un còp aquiu, entàs 13:00 ores, aurà lòc er acte institucionau enes roïnes deth Santuari de Mijaran.

Ena tarde, entàs 17:30 ores aurà lòc er espectacle familiau “Les vacances de Madame Roulotte”, a cargue dera companhia Bleda, ena Plaça d’Aran e, entà finalizar, tàs 19 ores i aurà un concèrt a cargue deth grop Ribatònics ena Plaça d’Aran.