Eth programa tanben s’aufrís damb sostítols entà hèr-lo accessible as persones damb dificultats auditives e facilitar er aprendissatge der aranés.
A compdar d’aguesta setmana, era programacion deth 3/24 aufrís ua naua arròda aranesa, que s’emeterà de deluns a diuendres tàs 11:45 ores tà tota Catalonha. Atau, aguest nau espaci en aranés s’ahig damb eth madeish format audiovisuau ath que ja s’emet diadèrament entàs 15:35 ores dera tarde. Aguesta arròda, que tanben serà amiada per Ares Riu, disposarà de subtitulacion opcionau en aranés, entà facilitar era comprenença tant des persones damb dificultats auditives coma des aprendissi.
Aguesta estrea permeterà d’aumentar es contenguts informatius televisius en aranés que produsís era CCMA, engatjada damb era defensa e difusion dera lengua occitana tant per miei de Television de Catalonha coma de Catalonha Ràdio.
Era programacion deth 3/24 aufrís ua naua arròda aranesa, que s’emeterà de deluns a diuendres tàs 11:45 ores tà tota Catalonha
Era arròda aranesa deth maitin a ua durada de 15 menutes, des 11:45 as 12:00 ores, e era dera tarde se manten entre es 15:35 e es 16:00 ores. Aguesti espacis entà tota Catalonha se higen ath TN comarques Val d’Aran que s’emet entara Val d’Aran cada diuendres, damb Jovita Ané.
Aranés, er occitan de Catalonha
Eth Govèrn dera Generalitat de Catalonha qu’avalore era importància dera lengua entara identitat e er autogovèrn d’Aran e entath conjunt de Catalonha, e que trabalhe amassa damb eth Conselh Generau d’Aran entà refortir es referents lingüistics e culturaus aranesi coma estrument e factor d’acuelhuda e coesion sociau. Eth Secretariat de Politica Lingüistica a incrementat enguan un 70% era partida entar aranés a respècte der an anterior e ena fin d’enguan s’aurà culminat eth procès entà determinar es besonhs objectius de finançament entath foment e proteccion der aranés.
Info: Gencat.cat