Er Ajuntament de Naut Aran a signat un convèni damb era enterpresa Baqueira Beret entà potenciar era activitat toristica en ostieu en pròpri municipi.
Era dotacion totau que s’aportarà ath complèx ei de 35.000 èuros e a supausat grani beneficis entàs vesins e visitants dera Val d’Aran pr’amor que s’a pogut gaudir de lòcs tan espectaculars coma per exemple son es Lacs deth Clòt der Os plaçadi ena zòna de Beret.
Eth convèni a estat signat peth director generau de Baqueira Beret, Àlex Barés, e eth baile de Naut Aran, César Ruiz-Canela.
Damb aguesta accion eth consistòri refortilhe era sua apòsta pera desestacionalizacion deth territòri e era recèrca de naui atractius d’impacte nacionau e internacionau.
Info e foto: Ajuntament de Naut Aran