Eth conselhèr d’Abitatge e Agenda Urbana, Andreu Cortés, a prenut part ena presentacion deth projècte pilòt dera Federacion ALLEM “Som rurals, som de muntanya”, qu’ena Val d’Aran s’amie a tèrme gràcies ara Associacion de Discapacitats d’Aran (ADDA) damb eth supòrt deth Conselh Generau d’Aran.
Aguest projècte preten trabalhar, des dera innovacion, eth procès de transformacion des supòrts sociaus entà persones en situacion de vulnerabilitat per discapacitat, problèmes de salut mentau o per d’autes causes d’exclusion sociau. Situacion que, en zònes coma era Val d’Aran, se ven agreujades pr’amor der isolament que patissen es territòris ruraus o de montanha.
“Som Rurals, Som de Muntanya” ei un projècte finançat pes Hons Europèus Next Generation a trauès deth Ministèri de Drets Socials e Agenda 2030 der Estat Espanhòu e deth Departament de Drets Sociaus dera Generalitat de Catalunya.
Info e fotos: Conselh Generau d’Aran