Er Ajuntament de Bossòst, a trauès d’ua subvencion deth Departament de Presidéncia dera Generalitat de Catalonha amiarà a tèrme ua intervencion integrau ena zòna esportiua dera poblacion. Aguesta intervencion s’estructure en tres blòcs fonamentaus: Òbra Civiu, cambi de maquinària e recorsi addicionaus de besonh.
En çò que tanh ara Òbra Civiu, se destinarà ua part significativa dera subvencion ara execucion d’òbres civius que melhoraràn e optimizaràn es installacions esportiues existentes en tot hèr-les mès sostenibles. Includirà aspèctes coma melhores ena gestion e implementacion de tecnologies modèrnes, entre d’autes.
Eth cambi de maquinària se centrarà en renauiment e actualizacion des mashines utilizades ena zòna esportiua, en tot potenciar era seguretat des usatgèrs e usatgères.
Eth tresau blòc, se tracte d’un complement qu’a coma objectiu proporcionar recorsi addicionaus de besonh entà amiar a tèrme ua intervencion globau. En aguest tresau blòc, eth sòn contengut, se definirà en basa a consideracions pressupostàries, en tot mantier era flexibilitat entà adaptar-se as besonhs.
Aguesta subvencion enfortirà era capacitat der Ajuntament de Bossòst entà aufrir installacions esportiues de qualitat e seguretat.
Info e foto: Ajuntament de Bossòst