Era Jornada, qu’ei gratuïta, aurà lòc ena Aubèrja Era Garona de Salardú eth dia 5 de noveme.
Es places son limitades a 50 persones e podetz hèr era inscripcion trucant tath 973 64 18 01 e demanar per Merche Vidal o Judit Jaquet.
Eth dissabte, 5 de noveme, aurà lòc era 2au Jornada de Carn de Caça ena Codina e en Plat qu’organize eth Conselh Generau d’Aran damb era collaboracion deth IDAPA (Institut per al Desenvolupament i la Promoció de l’Alt Pirineu i Aran) e qu’aurà lòc ena Auberja Era Garona de Salardú.
Era Jornada compdarà damb era preséncia deth sindic d’Aran, Carlos Barrera, qu’explicarà era potencialitat economica dera carn de caça ena Val d’Aran; deth catedratic e responsable deth servici d’ecopatologia de Fauna Sauvatge dera UAB, Santiago Lavin, que parlarà des caracteristiques generaus dera carn silvèstre de caça entath consum; e deth responsable de Medi Ambient deth Conselh Generau d’Aran, Ivan Afonso, que harà ua explicacion sus era gestion cinegetica e era carn silvèstre de caça.
Fin finau se realizarà ua degustacion des plats ellaboradi damb carn de caça per codiners deth Grèmi d’Ostalaria dera Val d’Aran e per Santiago Lavin.
Hont: Conselh Generau d’Aran