Er Ajuntament de Vielha e Mijaran collabòre damb aguesta competicion organizada pera AEFA e Èm Aran, a on i participe ath torn de 120 jogadors dera Val d’Aran, en tot fomentar es valors der espòrt.
Aguesta competicion a lòc es diuendres des mesi de mai e junh, en Palai d’Espòrts de Vielha.
Era Èm Aran Cup compde damb un totau de 10 equips, e ath torn de 120 participaires arribadi de desparièrs endrets dera Val d’Aran. Ei organizada pera AEFA, amassa damb era associacion Èm Aran, en tot compdar damb era collaboracion der Ajuntament de Vielha e Mijaran.
Aguest torneg ei era auantsala des “30 Ores de Fotbòl Sala Vila de Vielha”, qu’enguan auràn lòc es dies 8 e 9 de junh.
“Des der Ajuntament de Vielha e Mijaran balham supòrt, un an mès, ara Èm Aran Cup, pr’amor qu’ei ua competicion que fomente es valors der espòrt, e qu’atrè era preséncia de fòrça gent non sonque deth nòste municipi, senon de tota era Val d’Aran”, comente eth còsso d’espòrts de Vielha e Mijaran, David Moreno. E ahig que “es nòstes installacions municipaus esportiues, coma ei eth cas deth Palai d’Espòrts, son prèstes entà organizar e acuélher competicions e d’autes activitats esportiues de tot tipe, en tot balhar un servici fòrça important e complèt ara nòsta ciutadania”.
Info e foto: Ajuntament de Vielha e Mijaran