Er Ajuntament de Les installe ues bandes rugoses e naua senhalectica en Camin e eth Pònt dera Lana, entara pacificacion e melhora dera convivéncia entre es usatgèrs d’aguesta via.
Atau, se restringís eth pas a veicüls en tot restar exclusiu a vesins e vesies e a veicüls agricòles e de servicis, en tot limitar era velocitat en aguestes vies a 30 km/o.
Aguest camin, fòrça concurrit e transitat per veicüls e pedons, a patit diuèrses incidéncies enes darrèri tèmpsi, e era convivéncia ei un ahèr de toti e de totes (trànsit rodat, comportament, acompanhament de mascòtes, eca).
Damb aguesta e d’autes accions, er Ajuntament de Les, preten que totes es persones poguen gaudir e utilizar un espaci comun e molt agradiu coma ei eth Camin dera Lana, d’ua manèra respectuosa e segura.
Info e fotos: Ajuntament de Les