Arribe era dimenjada de Sant Joan damb dues hèstes que daurissen era sason estival e diden fòrça deth caractèr e es tradicions des aranesi.
Se celèbre era arribada deth solstici d’ostiu damb era crema d’un tronc, en tot coïncidir tanben damb er inici des hèstes majors d’aguestes localitats.
Ancianament, aguesta celebracion marcaue eth moment en qu’es pagesi començauen a pujar as animaus as pastures mès nautes des montanhes.
En 2015, eth comitè intergovernamentau dera Unesco declarèc es “Falles del Pireneu” en Catalonha, Haro o Taro ena Val d’Aran e Brandons en França, coma Auviatge Immateriau dera Umanitat. Aguesta catalogacion contemple es 63 hèstes deth huec que se celèbren pendent eth solstici d’ostiu enes Pirenèus, que s’includissen entre eri era Crèma der Haro de Les e era Crèma deth Taro d’Arties.
Era celebracion a un origen ancestrau, estretaments estacat as cicles agraris e solars. Es rites deth huec, qu’a es sòns inicis ena ceremònia pagana que se hège er aunor ath diu Solei, qu’ena Val d’Aran e en Comminges se diguie Abelio, damb eth temps s’incorporèren ara tradicion cristiana e en bères localitats s’a mantengut enquias nòsti dies. Consistís ena crèma des halhes pendent era net mès cuerta der an e damb eth huec s’escenifique eth cambi de cicle en an solar.
Info e fotos: Aran Notícies