Er Ajuntament de Vielha e Mijaran a finalizat es òbres de milhora deth subministrament d’aigua correnta e hilat de sanejament ena Avenguda Baile Calbetó Barra de Vielha.
Ua intervencion que permet modernizar aguesti servicis basics de cap ara ciutadania d’aguest endret, en tot auer-les deishat prèsti e enes condicions avientes abans der inici der iuèrn.
Foto: Ajuntament de Vielha e Mijaran
Atau madeish, s’a milhorat es trepadèrs e plaçat paviment de gondron en tot balhar contunhitat as acabats qu’a Vielha. Aguesta actuacion a compdat damb un pressupòst de 191.756,14€ en tot èster finançada damb eth Plan de Cooperacion Locau dera Diputació de Lleida.
«Des der equip de govèrn mantiem eth compromís d’adaptar es hilats d’aigües de Vielha a çò qu’an de besonh es nòsti vesins e visitaires», comente eth baile de Vielha e Mijaran, Juan Antonio Serrano. E ahig que «pendent 2025 seguiram damb es intervencions d’aigües, en tot auer aguest servici totauments modernizat».
Info e fotos: Ajuntament de Vielha e Mijaran