Se creèc en 1975 entà promòir era creacion d’un Musèu Etnologic ena Val d’Aran. Aguest Musèu se cedic ara Generalitat de Catalonha en an 1983 e aguest ath Conselh Generau d’Aran en 1992.

Es sòns objectius, son promòir era recuelhuda e custòdia des hons deth musèu, promòir activitats culturaus de sauvaguarda e difusion der auviatge aranés, difóner damb publicacions e actes culturaus era cultura d’Aran.

Des der an 1984 era Tor deth generau Martinhon, bastissa plaçada en Cap dera Vila de Vielha ei era sedença deth Musèu dera Val d’Aran.

Eth Musèu dera Val d’Aran ei dividit en tres airaus: era exposicion permanenta, era atencion ath visitaire e er airau d’administracion.

Era exposicion permanenta presente ua sintèsi dera istòria dera Val d’Aran, des dera preistòria enquiàs nòsti dies. S’i expause ua interessanta colleccion d’objèctes arqueologics, artistics e etnografics.

 

Hònt: Institut Estudis Aranesi