Cossent damb çò que dispausen er article 124 deth Decret 179/1995, de 13 de junh, peth quau s’apròve eth Reglament d’òbres, activitats e servicis en relacion damb er article 83 dera Lei 39/2015, d’1 d’octobre, deth procediment administratiu comun des administracions publiques, eth Conselh de Govèrn, en session ordinària de 28 de noveme de 2016, acordèc era aprobacion des Bases reguladores qu’an de regir er autrejament deth Xau Prèmi “Diboish ena Escòla” e deth Vau Prèmi de “Comic”, enes tèrmes qu’ara seguida s’especifiquen:
BASES:
Aguesti prèmis compden damb es següentes categories: Concors de diboish A: 1èr e 2au de Primària B: 3au e 4au de Primària C: 5au e 6au de Primària Concors de comic A: 1èr e 2au d’ESO B: 3au e 4au d’ESO C: Bachelierat e Formacion professionau
Poiràn presentar-se tàs prèmis que regulen aguestes Bases toti es alumnes des escòles der àmbit territoriau d’Aran que complisquen damb es requisitis que mèrquen aguestes Bases.
Calerà qu’es òbres que se presenten se signen damb subernòm ath pè deth diboish e tanben damb eth nòm dera escòla e era categoria ara quau apertien, darrèr deth diboish. En ua engolòpa a part, damb eth subernòm dehòra, s’i meteràn laguens es donades der autor/autora, edat, categoria, telefon o telefons de contacte e adreça postau. Aguesta engolòpa se junherà damb un clip ath diboish o comic.
Eth diboish s’aurà de hèr ena escòla, laguens dera activitat de plastica, jos era supervision deth professor/a d’aguesta assignatura. Non se poirà hèr en casa. Es categories que corresponen a ESO e a Bachelierat e Professionau pòden trebalhar en casa.
Sonque se poderà presentar un diboish o comic per mainatge o mainada.
Era tecnica de diboish a emplegar sera liura (aquarèlles, gredons de colors, ceres, tempères, eca…), e eth supòrt tanben serà liure.
Es diboishi que se presenten non auràn d’èster emmarcadi. Non s’acceptaràn òbres presentades en tres dimensions.
Eth tèma d’aguest Xau Prèmi “Diboish ena Escòla” serà “Es mestièrs” e deth Vau Prèmi de “Comic” serà liure.
Es trabalhs s’auràn de presentar en Airau de Politica Lingüistica deth Conselh Generau d’Aran abans deth 15 d’abriu deth 2017.
Es prèmis s’entregaràn enes dies propèrs ara Hèsta d’Aran, 17 de junh, laguens des actes corresponents ara sua celebracion.
Er impòrt des prèmis per categoria serà de:
Concors de diboish
Categoria A e B: Estug complèt de diboish tàs premiadi (1èr prèmi, Finalista e accèssits)
Categoria C: 1èr. Prèmi: 150 euros, Finalista: 100 euros e 2 Accèssits: 50 euros
Concors de comic
Categoria A e B: 1èr. Prèmi: 150 euros, Finalista: 100 euros e 2 Accèssits: 50 euros
Categoria C: 1èr. Prèmi: 200 euros, Finalista: 150 euros e 2 accèssits: 100 euros