Membres der Ajuntament de Les visiten eth Castèth de Les damb eth deputat responsable des servicis Tecnics dera Deputacion de Lleida, Josep Ramon Ibarz e er arquitècte M. Camprubí entà abordar era redaccion d’un plan d’actuacions que permeten era sua restauracion.
Coneishut en país coma Castèth de Pijoert, peth parçan e malh a on se trape, e bèth temps a, com era Casa des Mòros, o tanben era Tor de Pompeo, parion a d’auti lòcs, segons era tradicion legendària Pirenenca. Tor e pardia de çò que deuie èster era plaça fòrta dera Senhoria de Les, emparentada damb d’autes senhories gascones medievaus, e que se trape sus un malhòc a lèu 100 m dessús deth cap dera vila de Les, o barri de Saviela.
Datat deth s. XI semble que siguec cremat ara fin deth s. XV e abandonat pòc dempús, enquiara sua prumèra intervencion, damb eth I Cors d’Arqueologia deth Castèth de Les, en 1994. Catalogat e fotografiat des de 1884-1885, de mainatges mos compdauen pialèrs d’istòries sus es sòns tunèls e tresòrs amagadi.
Jaime I en 1265 hec era sua visita reiau, es Barons de Les sigueren es sòns eretièrs e vesins des deth s. XV enquiara sua marcha deth país en s. XIX.
Catalogat per lei e protegit, coma toti es castèths, ben culturau des deth 22 abriu de 1949.
Hònt: Ajuntament de Les