Er Ajuntament de Bossòst e era asociacion culturau «Lee o Muere» convòquen eth prèmi de narracions policiaus Montanha Nera.
D’acòrd damb es bases següentes:
1/ Eth prèmi ei dubèrt a toti es alumnes de prumèr, dusau, tresau e quautau d’ESO que corsen estudis ena Val d’Aran.
2/ S’establissen tres categories segontes era lengua utilizada: aranés, catalan e castelhan.
3/ Es narracions, ua per concursant, s’an d’inscríuer laguens deth genre policiau (comission o resolucion de quinsevolh tipe de delicte) o mistèri, e poderàn èster ambientades en quinsevolh lòc e epòca, en tot avalorar era originalitat e era qualitat literària des tèxtes.
4/ Es relats, damb un minim de cinc planes e un maxim de dètz, damb interlinhat de doble espaci, letra Times 12 o semblanta e marge per huelha de 2,5 centimètres, s’an d’enviar abantes deth 31 de març per corrèu electronic a montanhanera@gmail.com, en tot indicar en ahèr deth missatge er idiòma eneth quau concorrissen.
5/ Enes trabalhs, aurà de constar unicament eth nòm deth relat e anaràn acompanhats d’ua plica adjunhuda a part, document nomentat damb eth nòm deth relat seguit dera paraula “PLICA”, eneth quau figurarà eth nòm der alumne, es sues donades postaus, eth telefon e eth corrèu electronic.
6/ Formaràn part deth jurat professors e persones restacades damb era cultura.
7/ Era decision deth prèmi aurà lòc ena sala de plens der Ajuntament de Bossòst eth deluns 1 de mai, entàs 13 ores, laguens dera prumèra edicion deth festivau de genre nere Black Mountain Bossòst / Montanha Nera Bossòst. Serà presidit per alcalde Amador Marqués e liurat as guanhadors pes escrivans Andreu Martín, Alicia Giménez Barlett e José Luis Muñoz.
8/ Eth prèmi entà cadua des categories consistirà en un lòt de libres dera sèrie juvenila Flannagan de Jaume Ribera e Andreu Martín, dedicats per autor present en acte.
Hònt: Ajuntament de Bossòst