Er Ajuntament de Les a iniciat era redaccion deth Document Unic de Proteccion Civiu Municipau (DUPROCIM) segontes mèrque eth Decrèt 155/2024, de 25 de noveme, peth quau s’apròve eth contengut minim entara elaboracion e homologacion des plans de proteccion civiu municipaus e s’establís eth procediment entara sua tramitacion.
Iniciada aguesta fase de redaccion, s’an iniciat es prumèrs contactes informatius damb es grups politics deth consistòri e damb es collectius implicats en activitats d’emergència e se redactara un document principau a on se poderàn agropar es desparières situacions d’emergència, actuacions d’accion municipau e proteccion civiu en generau.
Aguest procès s’ampliara damb un periòde d’informacion publica e participacion dera población.
Eth Plan unic d’emergéncies aurà era possibilitat d’organizar un collectiu de volontaris de proteccion civiu. Cau rebrembar qu’en episòdi des riades der an 2013 era participacion e eth trabalh dera ciutadania siguèc plan important entara recuperacion deth pòble.
Eth DUPROCIM ei compausat per un document de concèptes generaus, en ambit municipau de Catalonha e era aplicacion deth Decrèt en aguest ambit, en procediment administratiu de gestion des plans de proteccion civiu municipaus deuant accidents, alarmes, riades, emergéncies ath delà d’aspèctes umans e tecnics deth municipi.
Aguest document ei d’ajuda entara redaccion des Plans de proteccion civiu municipaus. No se tracte d’un document obligatòri.
Hònt: Ajuntament de Les