Ena programacion d´actes der Ajuntament de Les entà 2017, eth dissabte dia 13 de Mai aurà lòc era Shasclada deth Haro e eth dia 14, dimenge, era Hèira de Primauera pes carrèrs deth municipi damb venta de productes artesanaus, d’alimentacion e de jardineria.
Aguesta hèsta ei integrada e reconeishuda coma Patrimoni Inmateriau dera Umanitat, e era redaccion d’aguest programa vò méter er accent e era prioritat enes activitats vinculades ath torn deth Haro, que son era esséncia d’aguesta hèsta. E tot çò serà complementat damb tot un seguit d´activitats ludiques dempús dera Baishada deth Haro.
Enes pròplèus dies es desparièrs collectius qu’intervien enes Hèstes deth Huec relacionades damb activitats e tradicions vinculades damb Eth Haro, coma es representants der Ajuntament, des Halhes, es Corbilhuèrs, es musics e d’auti collectius implicats, s’amassaràn entà constituir ua Associacion d’Hèstes deth Huec de Les, en tot desvolopar un projècte culturau municipau entà establir e consolidar es agents qu’intervien en aguesta hèsta.
Eth programa prepausat entath dia 13 de mai ei eth següent:
11.00 ores – Inici baishada deth haro dera montanha.
14.00 ores – Dinar popular ena plaça deth Haro.
15.30 ores – Inici dera shasclada ena plaça deth pòble.
16.30 ores – Talhèrs d’elaboracion de halhes decoratiues (entà decorar carrèrs, balcons, portaus des cases)
17.30 ores – Talhèrs de dances populars e tradicionaus.
19.00 ores – Concèrt de musica Folk.
23.00 ores – Balh ena plaça deth Haro.
Hònt: Ajuntament de Les