Naua App de Participacion Ciutadana der Ajuntament de Vielha e Mijaran

Er Ajuntament de Vielha e Mijaran presente ua naua APP (iOS e Android) de participacion ciutadana a on es vesins pòden comunicarse damb er Ajuntament de forma mès rapida e dirècta,  en tot aportar es sues inquietuds e suggeriments.

Era naua APP servís tà fomentar era comunicacion, era responsa, era conviuença, es inquietuds e era participacion entà hèr pòble e aufrís damb quate espacis; Fotografiar eth pòble, entà hèr arribar totes es prepauses per miei d’ua fotografia, Agenda culturau, damb totes es activitats dera ofèrta culturau, Transparència, des accions municipaus e Informacion, de forma inmediata en tòn smarthphone.

Tanben se destaque er accès dirècte a incidéncies, ua categoria que permet as ciutadans informar dirèctament mejançant er enviament d’ua fotografia e un brèu tèxte d’imprevisti es vies publiques, seguretat, contratemps derivadi dera nhèu (barrament de carrèrs, carrèrs inaccessibles…), atau coma era notificacion de quan s’a vist o trapat un animau perdut, entre auti ahèrs.

Ath delà de fomentar era participacion activa damb es ciutadans e era transparéncia des accions municipaus, aguesta App de Participacion Ciutadana der Ajuntament de Vielha e Mijaran cree comunitat entre es abitants, en tot animar a toti a hèr part des decisions municipaus e en tot apropar era politica locau ara poblacion.

Hònt: Ajuntament de Vielha e Mijaran