Per acòrd dera Junta de Govern Locau der Ajuntament de Bossòst, en session de 9 de mai de 2017, s’an aprovat es següentes bases reguladores deth procès de seleccion entà proveir temporaument es piscines municipaus damb dus socorristes.

 

 

Er objècte dera convocatòria a coma objècte era seleccion, per miei deth sistèma de concors de merits, de dus socorristes aqüatics entara sason d’estiu 2017 ena piscina municipau.

Eth contracte laborau ei temporau de duracion determinada pendent eth periòde de 22 de junh de 2017 a 3 de seteme de 2017 damb ua jornada laborau de 37,50 ores setmanaus de deluns a dimenge, cossent damb es torns establidi.

Requisits: Èster de nacionalitat espanhòla, ciutadan dera Union Europea o estrangèr/a damb residéncia legau en Espanha. Auer complit es 16 ans d’edat e non excedir dera edat legau de jubilacion forçosa eth dia en que finalize eth termini de presentacion d’instàncies. Auèr titol de Graduat Escolar o ESO, o quinsevolh aute titol declarat equivalent. Non patir cap malautia n’auer cap defècte fisic qu’empedisque er exercici des foncions pròpires deth lòc de trabalh. Disposar deth titol de socorriste aquatic en vigor damb eth corresponent reciclatge. Non èster inabilitat/ada per senténcia ferma, entà complir foncions publiques ne auer estat separat, per resolucion disciplinària ferma, deth servici de cap administracion publica. Non trobar-se en cap des causes d’incapacitat o incompatibilitat previstes ena legislacion vigenta sus era matèria. Es aspirants auràn de disposar d’un coneishement avient des tres lengües oficiaus en Aran e Non èster inscrit en eth Registre Centrau de Delinqüents Sexuaus.

 

 

Es foncions generaus a desvolupar sòn es pròpries dera vigilancia, atencion e prevencion d’accidents. – Suenhar der us avient des piscines – Hèr eth contròu des entrades as piscines. – Collaborar enes següents prètzhèts: analisi der aigua, neteja e qualitat der aigua e totun totes es autes foncions relacionades damb eth sòn loc de trabalh, que li siguen comandades pes Organs municipaus competents, tostemp e quan non interferisquen en son prètzhèt principau de socorrista.

Es sollicituds s’an de presentar en eth Registre generau dera Corporacion abantes deth pròplèu 7 de junh de 2017 e an d’acompanhar-se dera documentacion següenta: Fotocòpia deth DNI, NIE, permís de trabalh o autes en foncion de cada cas concret. Originau o fotocòpia compulsada dera titolacion exigida. Documents acreditatius des merits allegadi entà valorar eth concors, de conformitat damb eth barem expausat ena base 6 e sense qu’eth Tribunau Qualificador en pogue valorar d’auti que non siguen aportadi en aqueth moment. Entà acreditar era experiéncia calerà aportar informe de vida laborau. Declaracion jurada de non pas èster includit laguens deth registre Centrau de Delinqüents Sexuaus, e en tot autorizar ar Ajuntament de Bossòst, a comprovar era veracitat dera declaracion.

Més informacion açiu

 

 

Hònt: Ajuntament de Bossòst