Vielha acuelh de nau un des campus de basquet damb major renom deth país, eth Campus Sito Alonso deth 3 ath 13 de junhsèga. Eth Campus Sito Alonso Val d’Aran va dirigit a mainatges e mainades de tot arreu deth territòri espanhòu qu’an edats comprenudes entre es 6 e 17 ans e que vòlen realizar activitats de basquet.
Es participaires deth campus tanben gaudiràn d’autes installacions de Vielha e Mijaran coma es piscines interiores e exteriores e era pista de patinatge sus gèu deth Palai de Gèu.
Es participaires tanben haràn usatge des installacions deth Palai d’Espòrts de Vielha enes quaus realizaràn diuèrsi talhèrs e entrenaments especifics. Eth Campus Sito Alonso ei un des stages de basquet damb major renom deth país, gràcies as boni servicis qu’aufrís dempús de 33 ans. Ath delà, cau destacar que des de mejans de junh, Sito Alonso ei eth nau entrenador deth Barça de basquet.
Alberto López, còsso d’espòrts der Ajuntament de Vielha e Mijaran declare que “Vielha e Mijaran aufrís infrastructures perfèctaments acondicionades entà acuélher aguest tipe de campus pendent er an. D’aguesta forma potenciam er espòrt entre es mès joeni e aufrim un entorn uníc enta d’aqueri que vien de dehòra. Ei ua oportunitat perfècta entà que Vielha se convertisque en un centre neuràlgic entàs esportistes de tota índole”.
Hònt: Ajuntament de Vielha e Mijaran