Teresa Peña Mercadé, alumna de 2au de bachelierat der Institut d’Aran, recebèc ager eth prèmi “Distinció de les Proves d’Accés a la Universitat” per auer artenhut ua qualificacion de 9,15 ena fase general, sus 10, pes resultats artenhudi enes pròves PAU.
Er autrejament, un acte solemne presidit peth Molt Honorable President de la Generalitat de Catalunya Carles Puigdemont, se realizèc en Auditori de Barcelona, e ei ua distincion deth Departament d’Empresa e Coneishement dera Generalitat.
Ath delà Teresa tanben a artenhut un Prèmi Extraordinàri de Bachilherat qu’autrège eth Departament d’Ensenhament en ues pròves semblantes as PAU mès damb un nivèu fòrça superior, e que sonque se i pòden presentar es alumnes qu’artenhèren ua nòta igual o superior a 8,75 punts en expedient de Bachilherat.
Teresa ja a escoelhut eth sòn futur coma estudiant. S’a matriculat en Engenheria Aeroespaciau ena UPC de Terrassa,
Aguest reconeishement as alumnes mès excellents de tota Catalonha signifique ua grana satisfaccion entara direccion der Institut d’Aran.
Hònt: Institut d’Aran e Meddia Aranés