Eth principau objectiu ei eth renauiment e era adaptacion ara legalitat en vigor deth convèni existent pr’amor qu’es taxis poguen aufrir es sòns servicis eth toti es municipis de la Vau d’Aran, en lòc de cenher-se ath tèrme municipau a on a
Es assistents ara amassada an decidit per unanimitat era acceptacion deth borrolhon d’aguest convèni. Entà poder formalizà’c, ei de besonh que toti es municipis apròven eth document prepausat que ja ei en mans des diferenti ajuntaments.
Eth renauiment d’aguest convèni ei gràcies a que toti es municipis considèren de besonh era prestacion e collaboracion conjunta deth servici de taxis, de forma qu’aguesti poguen trabalhar liuraments eth tot eth territòri aranés. Laguens deth convèni tanben se remèrque eth besonh d’armonizar es tarifes urbanes entà que toti es taxistes agen es madeishi impòrts. Tanben s’a decidit realizar un acte en Conselh Generau d’Aran entà formalizar era signatura protocollària d’aguest document.
Entà Juan Antonio Serrano, baile de Vielha e Mijaran “dempús dera experiéncia positiva obtenguda damb eth prumèr convèni, demoram damb aguesta adaptacion hèr un pas mès entà melhorar eth servici de taxi en nòste territòri”.
Hònt: Ajuntament de Vielha e Mijaran