Era sala de plens der Ajuntament de Vielha e Mijaran a acuelhut era amassada de coordinacion dera 7au Corsa dera Hemna qu’organize eth Conselh Generau d’Aran, e qu’aurà lòc eth pròplèu 8 de març pes carrèrs de Vielha, entà commemorar eth Dia Internacionau dera Hemna.
Ena amassada i an estat presents es diuèrses institucions que formen part dera organizacion d’aguest eveniment (eth Conselh Generau d’Aran a trauès deth Servici d’Informacion e Atencion ara Hemna e era Oficina de Joenessa, er Ajuntament de Vielha e Mijaran e es Volentaris d’Aran), atau coma es responsables dera seguretat, a cargue deth còs des Mossos d’Esquadra damb era collaboracion dera Brigada e es Vigilants Municipaus de Vielha e Mijaran.
Ath delà, ena amassada s’a parlat sus eth besonh de barrar eth transit pendent es 10:45 e es 12:00 ores entà garantir era seguretat des participaires pes carrèrs de Vielha, pr’amor qu’era corsa començarà entàs 11:00 ores.
En aguest sens, i aurà afectacions enes següenti carrèrs: Plaça d’Aran (lòc de gessuda e arribada), Passeig dera Libertat, Avenguda Castièro, Avenguda Pas d’Arró, e es carrèrs Anglada, Jaime II, Major, Sarriulèra, Sobernedo e Aigüereta.
Info: Ajuntament de Vielha e Mijaran