Eth baile der Ajuntament de Naut Aran, Cesar Ruiz Canela Nieto, a arrecebut en consistòri ara Presidenta deth Consell Comarcal de l’Alta Ribagorça e bailessa de Vilaller, Maria José Erta.
Ena amassada, s’a tractat eth tèma dera restriccion de confinament municipau que i a actuauments en tota Catalonha e quines serien es formes de solucionar aguesta situación qu’afècte especiauments as poblacions dera Ribagorça e Aran.
Des de Naut Aran, se da supòrt ara idèa qu’es comarques de territòris de montanha poguen auer ua distincion especiau e non èster restringits per municipis coma se hè enquia ara.
Ath delà, s’a parlat sus era situacion des respectius municipis d’Aran e era Ribagorça e futures formes entà milhorar era vida des sòns vesins.
Info: Ajuntament de Naut Aran