Era Empresa Publica Sanitària Aran Salut S.L., adscrita ath S.A.B.S, inície procès de seleccion entara creacion d’ua borsa d’aucupacion temporau destinada a corbir es besonhs de personau que sigue emplegat mejançant un contracte laborau de determinada duracion, de tau forma que respongue as besonhs assistenciaus des centres e ath sòn torn respècte es principis d’igualtat, merit, capacitat e publicitat damb vista ara seleccion per competéncies professionaus d’aqueres persones mès idonèes entàs lòcs a corbir.
Es listats definitius de candidats/es que supèren aguest procès de seleccion anullaràn es listats de contractacion temporau resultants des procèssi de seleccion anteriores e donques, seràn aguesti candidats/es, es qu’auràn opcion a futures contractacions temporaus per Espitau Val d’Aran, Unitat Sòci Sanitària, Residéncia assistida Sant Antòni, ABS ARAN, Servicis Sociaus de Primària e CDIAP Aran cossent damb era sua posicion en listat entà cada centre e lòc de trabalh.
CATEGORIES AUFRIDES:
Metge d’Urgéncies, Metge d’Atencion primària, Infermièra, Fisioterapeuta, Matrona, Auxiliar d’Infermeria, Administratiu, Tecnic Especialista en Laboratòri, Tecnic Especialista en Radiodiagnòstic e Subaltèrn.
En cap de cas procedirà era contractacion per temps indefinit des candidats integrants d’ua borsa de contractacion temporau que non agen participat en corresponent procès de seleccion entara cobertura de lòc de trabalh mejançant contracte laborau indefinit.
Se garantís era igualtat de condicions damb es auti aspirants, as persones damb minusvalidesa que concorren ath procès de seleccion. Se reservarà un contingent deth 5 % des places, entad accès des persones en grad des quaus era minusvalidesa sigue parièr o superior ath 33% e atau ac indiquen en apartat corresponent dera sollicitud. Es persones damb minusvalidesa auràn de superar eth procès selectiu que serà realizat en condicions d’igualtat damb era rèsta d’aspirants.
Hònt: Conselh Generau d’Aran