Auancen a bon ritme es òbres amiades a tèrme peth Conselh Generau d’Aran en tram dera Pista de Varradòs entre era Bòrda des de Perú (Bagergue) e eth Pònt de Varradòs ath Saut deth Pish, un tram que compde damb un totau de 14,2 km.
Rebrembam qu’aguesta actuacion a estat subvencionada peth Departament de Vicepresidència i Polítiques Digitals i Territori dera Generalitat de Catalunya, laguens dera linha d’actuacions de melhora e manteniment de camins der hilat vesiau e rurau enes comarques de montanha en Aran en 2021.
Aguesti trabalhs èren fòrça de besonh pr’amor qu’era pista se trapaue en un estat fòrça maumerent pera erosion der aigua e era nhèu.
S’a fresat tot aguest parçan e tanben s’a hèt ua escuelhèra entà reafirmar eth solèr. Eth tèrme d’execucion d’aguesta accion aurie d’acaba abans qu’arriben es granes nheuades.
Era pista de Varradòs ei ua zòna que dificultaue er accès as veïculs que non auien 4×4 e ara damb aguesta actuacion se daurirà eth ventalh a d’auti usatgèrs.
Info: Ajuntament de Naut Aran