Es trabalhs de renauiment e acondicionament der airau Esportiu dera Cauarca en Les, auancen avientaments.
Pendent aguesti dies s’a installat eth barratge metalic dera pista poliesportiva, ena qué se i trapen dus camps de basquet e un de futbòl sala.
Es trabalhs de pentura dera pista e des camps esportius son programadi tara primauera, pr’amor qu’ei de besonh garantir un periòde de bon temps entà qu’era pentura dera superfície se mantengue en bones condicions e age ua major durabilitat.
Aguesta pentura se compause de vàries resines e d’auti elements, que non tolèren era umitat en moment dera sua aplicacion.
Atau madeish, en mes de març tanben i a programadi trabalhs de pentura en tèrra dera sala des vestiaris reformada recentament. D’aguesta forma, demorarà prèsta entar usatge d’activitats, events e amassades.
Info: Ajuntament de Les