Er Ajuntament de Bossòst prepause autorizar era cession des sòns espacis publics a ua entitat privada entà pr’amor de realizar era Escòla d’Ostiu 2018, adreçada a mainatges e mainades de 3 a 14 ans, entà pr’amor de resòlver es besonhs e demandes dera populacion en marc deth léser infantiu en ostiu.

Pòden presentar sollicitud entà autorizar era cession der usatge des espacis publics es persones fisiques e juridiques legaument constituïdes qu’auràn d’ajustar-se ath Decret 267/2016, de 5 de junhsèga, des activitats
d’educacion en léser, enes quaus i participen menors de 18 ans.

Es demanes s’auràn de presentar en Registre d’entrades der Ajuntament de Bossòst per miei d’ua sollicitud generica acompanhada dera prepausa deth valor de prestacion deth servici per mainatge usatgèr inscrit e damb un projècte d’organizacion que compde damb un programa d’actiuetats en eth que s’inclodiràn es
oraris. Eth tèrme de presentacion finalizarà eth dia 6 de junh de 2018.

Coma critèri de valoracion des ofèrtes s’atierà ath programa d’activitats, damb especiau indicéncia ena interaccion damb er entorn naturau, e era relacion qualitat–prètz des activitats presentades.

Es activitats realizades seràn dera sua exclusiua responsabilitat, inclosida era civil, sense qu’existisque cap relacion de dependéncia entre era entitat e er Ajuntament, e auràn d’auer cubèrts es accidents des participants, es monitors e era rèsta de persones sus era direccion d’autes per miei d’ua assegurança d’accidents personau e auer contractada ua assegurança de responsabilitat civil deth desvolupament des activitats.

Er equip de monitors ei er èish fonamentau dera estructura deth programa deth casau d’ostiu, e s’aurà de complir damb eth numero minim exigit de titolacions qu’exigís eth nomentat decret 267/2016, en tot acreditar totun qu’eth personau qu’age relacion damb eth casau, complís çò establèrt ena Lei 26/2015, de 28 de junhsèga de modificacion deth sistèma de proteccion ara infància e adolescéncia.

Era empresa realizarà es inscripcions des participants deth casau d’ostiu, e se quedarà era totalitat dera recaptacion des inscripcions.