Aguesta mesura cerque melhorar era floidessa deth tràfic que s’origine especiaument es diuendres e dimenges qu’ei dubèrta era estacion d’esquí Baqueira Beret, e que provòque moments de nauta tension entàs conductors e situacions de risc.

Segontes a informat a trauès d’un comunicat eth Conselh Generau d’Aran, eth Bulletin Oficiau der Estat (BOE) publicat aué hè efectiva era limitacion deth pas de camions articuladi pera N-230 pendent es dimenjades dera sason d’iuèrn, limitacion artenhuda gràcies ara declaracion institucionau presentada peth govèrn deth Conselh Generau d’Aran eth passat mes de noveme, e ath contacte e amassades deth sindic d’Aran, Francés Boya, damb es institucions responsables.

Eth sindic d’Aran, s’a mostrat fòrça “satisfet damb aguesta mesura que cerque melhorar era floidessa deth tràfic que s’origine especiaument es diuendres e dimenges qu’ei dubèrta era estacion d’esquí Baqueira Beret, e que provòque moments de nauta tension entàs conductors e situacions de risc”.

Aguesta limitacion serà efectiva en aguesta via es diuendres der 1 ath 20 de deseme e de gèr enquiath 5 d’abriu, atau coma pendent era Setmana Santa de 17:00 a 24:00 ores, de Benabarre ara termièra francesa, e toti es dimenges comprenudi enes madeishes dates, de 13:00 a 19:00 ores, en sentit contrari.

Info: Conselh Generau d’Aran