Eth passat dissabte se presentèc ena Bibliotèca Generau de Vielha, «Hons d’ Aran«, per Eugeni Giral, responsable e autor deth catalòg, José Boya Busquets, Director Generau d’Archius, Biblòtèques, Musèus e Patrimoni dera Generalitat de Catalonha e Maria Vergés, Còsso de Cultura der Ajuntament de Vielha e Mijaran.
«Hons Aran» ei un catalòg digitau de publicacions damb tematica aranesa, elaborat pera Universitat Autonòma de Barcelona, damb pròp de 1.600 exemplars de desparières revistes des der an 1921. Ath delà s’a publicat un libre damb es prumèrs exemplars d’aguest catalòg digitau damb detalhs des publicacions e des instruccions exactes entà localizar cada revista en Depòsit Digitau de Documents dera UAB.
«Aran Nau, era revista dera Val d’Aran» a collaborat damb era UAB entà digitalizar 87 des sòns 103 números editadi a trauès d’aguest catalòg, que son comprenudi des d’octobre de 2008 enquia deseme de 2015, encara que s’anaràn aumentant es exemplars digitalizadi.
Damb aguest sistèma, fòrça auançat, en tot eth mon, se poderà seguir tota era informacion, es notícies, era publicitat e es articles editadi ena revista Aran Nau.
Eth catalòg complèt d’ Aran Nau se pòt seguir aciu