S’auetz compde en Twitter podetz participar en 5au concors de microrelats qu’organizen er Ajuntament de Vielha e Mijaran e era Bibliotèca Generau de Vielha en motiu deth sòn dètz-e-nau aniversari.
Entà participar-i, cau que mos seguisques en Twitter, ‘piules’ (en mens de 280 caractèrs) eth tòn microrelat e mo l’envies tà @bibliovielha.Eth tèma deth relat d’enguan qu’ei eth terror, era pòur: cau que sigue de creacion pròpia e que non age estat premiat en d’auti concorsi. Eth dia 20 de noveme ei eth darrèr dia entà enviar eth vòste microrelat. Es guanhadors auràn coma prèmi un lòt de libres e dues entrades tara pista de gèu deth Palai.
Bases:
1. Condicions entà poder-i participar: Eth concors ei dubèrt a toti es qu’agen un compde en Twitter (www.twitter.com) e que siguen seguidors/es deth compde de Twitter dera Bibliotèca Generau de Vielha (@bibliovielha).
2. Coma i podetz participar: Eth tèma d’enguan qu’ei eth terror, era pòur, e es piulades, qu’an d’auer un minimum de 6 paraules e un maximum de 280 caractèrs e an d’èster de creacion pròpia, e an d’èster escrites en aranés. Cau qu’envietz es piulades tà @bibliovielha. Es tuits sense etiquetar o que non s’adrecen dirèctament tath compde dera biblio non seràn pas admetudi.
3. Categories: I aurà tres categories, establides per edat: ua entàs menors de 12 ans, ua auta de 12 a 18 ans, e era d’adults, de 18 ans ensús.
4. Era jurada: Era jurada serà composada peth personau dera Bibliotèca Generau, era sua decision serà inapellabla e pòt declarar eth concors desèrt. Eth liurament des prèmis se harà eth dia 27 de noveme, ath laguens des actes de celebracion deth 19au aniversari dera Bibliotèca Generau de Vielha.
Info: Ajuntament de Vielha e Mijaran