Era Associacion Aula d’extension Universitària dera Gent Grana d’Aran (AUGGA) a coma objectiu promòir era difusion culturau entà totes aqueres persones adultes, des 50 ans enlà, qu’ac desiren e compde damb eth supòrt e era tutèla dera Universitat de Lhèida (UDL).
Era inscripcion ath nau cors 2017/18 dejà ei dubèrta ena Avenguda Pas d’Arró, 20 de Vielha e eth programa entàth proplèu an ei:
29 de seteme: Conferéncia de METEOROLOGIA «Aran, ua tèrra de lauets» damb Jordi Gavaldà.
27 d’octobre: VIATGE. Visita culturau a Roda de Isábena e Graus.
24 de noveme: Conferéncia de FILOLOGIA CLASSICA «Días fastos y nefastos» damb Flora Grifol.
15 de deseme: Conferéncia de SALUT «Com arribar as 120 ans en non morir en intent» damb eth Dr. Enric Caubet.
26 de gèr: Conferéncia de ISTÒRIA «Istòria des aigües termaus – Balneologia aranesa» damb Claudio Aventín Boya.
23 de hereuèr: Conferéncia de ISTÒRIA «La maçoneria» damb David Revells.
Deth 26 de hereuèr ath 2 de març: SUPER SETMANA BLANCA. Iniciacion ar esquí nordic damb 2 ores diàries de cors en grops de 6 a 10 persones.
16 de març: APLEC DES AUGG. Recepcion a totes es Aules Universitàries dera Gent Grana dera província de Lhèida tamb un programa entosiasta.
23 de març: Conferéncia de DRET «Cal fer testament? Formes d’ordenar la successió» damb Enric Florensa.
27 d’abriu: VIATGE visita tath Pic du Midi en França.
25 de mai: Conferéncia de MUSICA «Gran reserva d’òpera, música i vi» damb David Puertas. Charrada, audicion e tast.
Es conferéncies s’impartiràn en Era Audiovisuau de Vielha, de 17.30 a 19.30 ores eth darrèr diuendres de cada mes, exceptat era de deseme qu’aurà lòc en dia 15.
Eth prètz de tot eth cors ei de 35€ més es despenes des viatges non i son includides. Cau èster inscrit entà assistir tàs conferéncies e viatges.
Més informacion ena Avenguda Pas d’Arró, 20 de Vielha e en mail auggaran@gmail.com
AUGGA compde damb era collaboracion des Ajuntaments de Bossòst, Les, Naut Aran, Vielha e Mijaran e Conselh Generau d’Aran.
Foto: Rectorat dera UDL