Er Ajuntament de Naut Aran dejà a realizat es pagaments de totes es subvencions escolares entàs mainatges e joeni deth municipi que corsen en quinsevolh cicle lectiu des 0 enquias 25 ans.

Des deth consistòri s’informe qu’enquia 107 alumnes s’an beneficiat d’un totau de 49.450 èuros, e qu’an estat repartits dera següenta forma:

38 alumnes universitaris s’an beneficiat d’un totau de 1000 èuros entà estudiar dehòra deth nòste territòri (38.000€).⁣

8 estudiants de mòduls corsen aguestes especialitats dehòra dera Val d’Aran e cadun a recebut 700 èuros (5600€).⁣

4 alumnes mès realizen es mòduls ena Val d’Aran e se les a ajudat damb un totau de 100 èuros a cadun (400€).⁣

En çò que tanh ath material escolar, 52 estudiants der Institut d’Aran an recebut 100 èuros d’ajut entàs sòns libres de classa (5200€).⁣

Fin finau, en çò que tanh ara educacion primària, 5 petiti an auut un ajut de 50 èuros entara crompa d’un ordenador (250€).

Info: Ajuntament de Naut Aran